Agustín Fernández Paz, Menchu Lamas, Eduardo Alonso, la Fundación Barrié de la Maza, la Sinfónica de Galicia, Editorial Galaxia y Vaca Films son los Premios de la Cultura Galega 2010

O XURADO DOS PREMIOS DA CULTURA GALEGA DECIDE OS SETE GALARDOADOS EN RECOÑECEMENTO DO TRABALLO CREATIVO DA NOSA COMUNIDADE E A SÚA EXPANSIÓN NO EXTERIOR   

 El Jurado de los Premios de la Cultura Galega galardona este año a Agustín Fernández Paz en la categoría de Letras, Menchu Lamas en Artes Plásticas, Eduardo Alonso Rodríguez en Artes Escénicas, la Editorial Galaxia en Promoción Cultural de Galicia, la Fundación Barrié de la Maza en la de Patrimonio Cultural, la Orquesta Sinfónica de Galicia en Música, y Vaca Films en Creación Audiovisual

  • O conselleiro de Cultura e Turismo presidiu na Fundación Cidade da Cultura de Galicia a reunión na que se resolveron os galardoados nas sete modalidades dos Premios da Cultura Galega 2010.
  • Os galardoados son: Agustín Fernández Paz na categoría de Letras, Menchu Lamas en Artes Plásticas, Eduardo Alonso Rodríguez en Artes Escénicas, a Fundación Barrié de la Maza na de Patrimonio Cultural, a Editorial Galaxia en Promoción Cultural de Galicia, a Orquestra Sinfónica de Galicia en Música e Vaca Films na de Creación Audiovisual.
  • Con esta decisión, o xurado distingue a persoas e institucións que traballan nos distintos eidos da creación, da conservación e revalorización do patrimonio e da actualización e difusión do noso capital intelectual.

 Santiago, 16 de novembro de 2010.- O xurado dos Premios da Cultura Galega 2010 determinou na reunión celebrada hoxe na Fundación Cidade da Cultura os sete premiados que recibirán os galardóns en recoñecemento do traballo creativo da nosa comunidade e a súa expansión no exterior nas modalidades de Letras, Artes Plásticas, Artes Escénicas, Iniciativas en prol do Patrimonio Cultural, Promoción Cultural de Galicia, Música e Creación Audiovisual.

 A segunda sesión de deliberación estivo presidida polo conselleiro de Cultura e Turismo, Roberto Varela, e contou coa participación como vogais institucionais do director xeral de Promoción e Difusión da Cultura, Francisco López; o presidente do Consello da Cultura Galega, Ramón Villares; o reitor da Universidade da Coruña, José María Barja; o vicerreitor de extensión universitaria, cultura e sociedade da Universidade de Santiago de Compostela, Javier Garbayo e a presidenta da Real Academia de Belas Artes Nosa Señora do Rosario, Mercedes Goicoa.

Como membros do xurado designados pola Consellería de Cultura e Turismo tamén participaron na xuntanza o catedrático de Teoría da Literatura e secretario da Real Academia Española, Darío Villanueva; o profesor e crítico de arte Antón Castro Fernández; a arquitecta Isabel Aguirre Urcola; e o compositor Juan Vara García.

 A relación de premiados é a seguinte:

 – O escritor Agustín Fernández Paz é o galardoado co premio Cultura Galega das Letras en recoñecemento a súa traxectoria vencellada á escrita galega. A proposta foi realizada polo Consello da Cultura Galega e aprobada por maioría.

A artista Menchu Lamas recibe o Premio Cultura Galega das Artes Plásticas polo seu traballo creativo, desenvolvemento de recursos expresivos e investigación de linguaxes propias. A proposta foi realizada polo Consello da Cultura Galega e aprobada por maioría.

O Premio Cultura Galega das Artes Escénicas recae en Eduardo Alonso Rodríguez polo seu traballo a prol da dramaturxia galega. A proposta foi realizada por Escena Galega e outras tres entidades e aprobada por maioría.

A Fundación Barrié de la Maza resulta distinguida co Premio Cultura Galega ás Iniciativas en prol do Patrimonio Cultural polo seu traballo de catalogación e restauración de bens patrimoniais. A proposta foi realizada polo Consello da Cultura Galega e aprobada por maioría.

O Premio Cultura Galega á Promoción Cultural de Galicia recoñece á Editorial Galaxia pola súa traxectoria vencellada á expansión cultural de Galicia fóra da comunidade autónoma e á súa difusión no exterior. A proposta foi realizada por distintos membros do xurado e aprobada por unanimidade.

A Orquestra Sinfónica de Galicia recibe o Premio Cultura Galega de Música pola súa traxectoria vencellada á creación, consolidación e expansión da música galega, dentro da comunidade e no exterior. A proposta foi realizada pola Real Academia de Belas Artes Nosa Señora do Rosario e distintos membros do xurado e aprobada por maioría.

–  O Premio Cultura Galega de Creación Audiovisual distingue á produtora Vaca Films pola súa actividade, dentro da comunidade e no exterior, a prol dunha linguaxe de calidade, con personalidade propia e con capacidade para se integrar nos escenarios internacionais. A proposta foi realizada por distintos membros do xurado e aprobada por unanimidade.

 Con esta decisión, o xurado distingue a persoas e institucións que traballan nos distintos eidos da creación, da conservación e revalorización do patrimonio e da actualización e difusión do noso capital intelectual. O premio consistirá nunha escultura ou obxecto conmemorativo realizado por un artista galego de recoñecido prestixio e nun diploma acreditativo.

 Coa creación e convocatoria dos Premios da Cultura Galega 2010, a Consellería de Cultura e Turismo pretende distinguir as persoas e institucións que traballan nos distintos eidos da creación, da conservación e revalorización do patrimonio e da actualización e difusión deste capital intelectual, na propia comunidade ou para o mundo.

 

Anuncios

Un comentario sobre “Agustín Fernández Paz, Menchu Lamas, Eduardo Alonso, la Fundación Barrié de la Maza, la Sinfónica de Galicia, Editorial Galaxia y Vaca Films son los Premios de la Cultura Galega 2010

¿Y tú qué opinas de esto?

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión /  Cambiar )

Google photo

Estás comentando usando tu cuenta de Google. Cerrar sesión /  Cambiar )

Imagen de Twitter

Estás comentando usando tu cuenta de Twitter. Cerrar sesión /  Cambiar )

Foto de Facebook

Estás comentando usando tu cuenta de Facebook. Cerrar sesión /  Cambiar )

Conectando a %s