Nace a Asociación de Executivas de Galicia
Santiago, 2 de outubro de 2011.- A recén creada Asociación de Executivas de Galicia, tivo onte no Centro Social Novacaixagalicia, situado na Praza de Cervantes, a súa primeira toma de contacto con asociadas e interesadas que quixeron achegarse ata esta reunión para coñecer esta iniciativa pioneira na nosa comunidade.
A xuntanza, meramente informativa, serviu como prólogo para dar a coñecer os plans de actuación, os grupos de traballo da Asociación e as estratexias a curto e medio prazo.
Nun breve periodo de tempo, a Asociación presentarase ante toda a sociedade para “comezar a ter visibilidade ante tódolos axentes sociais, algo prioritario se falamos da muller”, indicaban dende a Xunta Directiva da Asociación.
A Asociación, liderada por mulleres que se coñeceron e xuntaron grazas ao Programa Executiva da Xunta de Galicia, nace cunha clara vocación de “liderar en feminino”, tal e como recoñeceu a súa presidenta, Montse Sánchez-Agustino, durante a súa presentación.
A esta reunión acudiron máis de 50 mulleres, entre directivas, empresarias, e autónomas que debateron acerca dos problemas máis relevantes cos que se atopa a muller galega neste momento: conciliación, visbilidade, fomento do papel da muller nas empresas e na sociedade, entre outros.
Junta Directiva
Presidenta: Montse Sánchez-Agustino Mariño
Vicepresidenta: Carmen María Fernández Alonso
Secretaria: Asunción Fieira Busto
Tesorera: Alejandra Álvarez Cid
Vocal La Coruña: Marta Arenas Romasanta
Vocal Lugo: pendiente de confirmación
Vocal Orense: Dora Casal Domínguez
Vocal Pontevedra: Marta Costas Iglesias
Astur Galicia Noticias 