PORTOS DE GALICIA REBAIXARÁ AS TAXAS PARA POTENCIAR O EMPREGO E REVITALIZAR A ACTIVIDADE DOS PORTOS GALEGOS

Portos de Galicia rebajará a partir de enero de 2011 las tasas a los puertos gallegos para potenciar el empleo y revitalizar la actividad. La rebaja beneficiará principalmente a las cofradías, los jubilados de la mar y los tráficos comerciales.

• A redución deste imposto portuario, que será efectivo a partir de xaneiro de 2011, beneficiará principalmente ás confrarías, aos xubilados do mar e ás taxas dos tráficos comerciais

 Santiago, 10 de outubro de 2010.-  Portos de Galicia comprométese a continuar, de cara ao próximo ano,  na liña de redución das taxas portuarias para apoiar ao sector pesqueiro, xa que esta rebaixa servirá para potenciar o emprego e revitalizar a actividade dos portos galegos nun contexto de crise económica. Os principais beneficiarios destes recortes, que serán efectivos a partir de xaneiro de 2011, serán as confrarías, os xubilados do mar, os titulares de embarcacións tradicionais e as taxas dos tráficos comerciais.

 Neste sentido, o ente público, dependente da Consellería do Mar, reducirá á metade as taxas de ocupación de solo e de edificios, que principalmente afectan ás confrarías. Estas terán que pagar ata un 50 % menos polas súas instalacións, como lonxas, oficinas,naves de redeiras e outros departamentos de enseres.

 Por outra banda, os xubilados do mar que acrediten unha embarcación da sétima lista terán unha bonificación do 40% e os titulares de embarcacións tradicionais de pequeno porte verá reducidas as súas taxas en máis dun 25%. A maiores, Portos de Galicia aplicará unha bonificación para os tráficos comerciais que se consideran estratéxicos cun valor medio do 25%, de cara a incrementar a actividade nos portos.

 A reducción de taxas portuarias supón un esforzo para o ente público, pero a Consellería considera que a medida terá un impacto positivo, como pasou ao longo último ano, xa que, ao atenuar a carga fiscal, posibilítase un aumento da actividade portuaria sen que por iso se vexan diminuídos os recursos nin mermados os servizos básicos para os usuarios.