O titular da Xunta, Alberto Núñez Feijóo, acompañado polo conselleiro de Presidencia, Administracións Públicas e Xustiza, Alfonso Rueda, chegou á sede da Presidencia de Castilla y Léon (Praza de Castilla y León, s/n), onde foi recibido polo presidente da comunidade, Juan Vicente Herrera. Posteriormente, ambos mandatarios, xunto co presidente da Comisión de Coordinación e Desenvolvemento da Rexión Norte de Portugal, Carlos Lage, mantiveron un encontro.

                A continuación, Alberto Núñez Feijóo, Juan Vicente Herrera e Carlos Lage procederon á sinatura do protocolo de creación da macrorrexión Rexións do Sudoeste Europeo.