DENUNCIA CIG

Dende CIG-SAÚDE queremos denunciar o clima de malestar e indignación que se está a vivir nos distintos servizos e entre o distinto persoal do CHUS.

Isto vén dado por tres prazas de enfermeiras/os dos seguintes servizos:

-Enfermeira perfusionista en Quirófano

-Enfermeira da Consulta de Eco-Doppler

-ATS/DUE en quirófano de trasplantes

que foron designadas polo procedemento «a dedo» cun único criterio: «a dirección do CHUS».

Sabido é, que a contratación do persoal por parte da Aministración debe estar baseado nos principios de igualdade, mérito e capacidade, esixidos polo artigo 23,2 da C.E. e deberíase ofertar a todo o persoal por igual.

É por iso, que nestas prazas de enfermería, que non están revestidos de ningún tipo de xefatura, deberíase garantir o acceso e igualdade a todos aqueles traballadores que cumpran cos requisitos para ocupar tales prazas.

Así acontece que:

• A Dirección de Enfermería decidiu a colocación a dedo de persoal nestes servizos.
• Por presión dos traballadores e das Organización sindicáis, sacan unha convocatoria pública na praza de perfusionista, pero sin antes informar a Xunta de Persoal e mesmo»condicionan e diseñan» a praza en cuestión coas características PERFILADAS para que ocupe quen eles queiran, é decir «CHAVE EN MAN»

Entendemos que a transparencia desta xestión debería ser máis explícita e ofertárselle as mesmas oportunidades a todo o persoal coa mesma cualificación e dentro do mesmo servizo, xa que de non facelo, dá pé a entender que existe un presunto trato de favor a uns traballadores e que poden levar aparellados unha serie de privilexios (como traballar nas prolongacións de xornada de quirófano,…).

Quen exerce un cargo público, e xestiona cartos públicos, os seus actos deben estar baseados no criterio de excelencia profesional e actuar con responsabilidade e obxectividade no exercicio da súa profesión como garantías de competencia e imparcialidade no exercicio das súas funcións.

CONCENTRACIÓN: VENRES 22 MARZO ÁS 08.30 HS. NA ENTRADA H. CLÍNICO

Santiago de Compostela a 21 Marzo do 2013