La Xunta paga a las trabajadoras readmitidas de Agader para que se queden en casa

PLANTILLA AGADER

Ao remate da rolda de prensa realizaron un peche en Medio Rural (San Caetano), onde están neste intre

A Xunta paga ás traballadoras readmitidas de AGADER para estar na casa

A CIG denunciou esta mañá en rolda de prensa que a Xunta prefire pagar ás traballadoras readmitidas de Agader por orde xudicial, sen darlles traballo efectivo e nin sequera un lugar físico onde estar. Renato Núñez, secretario de Organización da central sindical en Compostela, que compareceu acompañado por 11 traballadoras e traballadores, asegura que este ente público pretende así evitar que se visualice que existe traballo que este persoal poderían realizar.

En novembro de 2012 AGADER despediu a 23 traballadoras logo de facer unha modificación da Relación de Postos de Traballo “feita a medida para despedir ao persoal que denunciara unha situación laboral irregular e que gañara os xuízos”,lembra Núñez.

Estes despedimentos, que tanto o persoal como a CIG consideraron no seu momento irregulares, están a ser declarado nulos nos diferentes xuízos que se están a celebrar e obrigan á súa readmisión no mesmo posto de traballo e coas mesmas condicións.

A CIG solicitou, ante a coincidencia en todas as sentenzas ditadas até o momento, que se procedera á readmisión de todo o persoal despedido para evitar os custos económicos e persoais derivados desta situación. Núñez denuncia que no canto diso, o ente non só non readmite ás persoas que aínda están agardando a que se dite sentenza, senón que ademais “opta por manter na casa aos traballadores con sentenza ditada, pagándolles o salario e sen darlles traballo efectivo”.

O secretario de Organización da CIG de Compostela considera que nun momento no que a Xunta está a recortar en cousas tan graves como os comedores infantís, está tirando cartos, pagándolle ao persoal sen darlle traballo e habendo labores que desenvolver. “É unha estratexia para finalmente poder alegar que non saben onde recolalos nin que ocupación darlles”.

Fronte a isto, o persoal asegura que hai expedientes pendentes que acumulan meses de atrasos aos que se podería dar a axeitada tramitación se se contara con estas persoas para facer o que mellor saben: traballar.

Ao remate da rolda de prensa, as traballadoras e traballadores acordaron realizar un peche para denunciar esta situación e reclamar traballo efectivo, en Medio Rural, en San Caetano, onde aínda están neste intre.

Compostela, 18 de abril de 2013.

Gabinete de Comunicación

Confederación Intersindical Galega

Anuncios

¿Y tú qué opinas de esto?

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión /  Cambiar )

Google photo

Estás comentando usando tu cuenta de Google. Cerrar sesión /  Cambiar )

Imagen de Twitter

Estás comentando usando tu cuenta de Twitter. Cerrar sesión /  Cambiar )

Foto de Facebook

Estás comentando usando tu cuenta de Facebook. Cerrar sesión /  Cambiar )

Conectando a %s