¿FRACASO INTENCIONADO?

O BNG EMPRAZA AO GOBERNO DE FEIJOO A RECONDUCIR A SITUACIÓN DA  A ÁREA METROPOLITANA DE VIGO

 

 

• Henrique Viéitiez  denuncia a intención do Partido popular de “recentralizar” as compentencias e potenciar as deputacións provinciais

 

Santiago de Compostela, 24 de agosto, 2012. O deputado do BNG, Henrique Vieítez interpela no Parlamento galego ao Goberno de Feijoo sobre o “fracaso” na constitución da Área Metropolitana de Vigo e denuncia a intención do Partido popular de tentar, co seu proceder, “recentralizar as competencias e potenciar as deputacións provinciais” polo que empraza ao Goberno galego a reconducir esta situación.

Asemade, o nacionalistas acompaña a Interpelación doutras iniciativas ao fin de coñecer as previsións do Goberno galego sobre as medidas a por en marcha para o desenvolvemento da Área metropolitana de Vigo.

O deputado tamén explica que na posta  en marcha da Área Metropolitana, mediante a súa asemblea constituínte na que debían tomar parte  52 persoas, titulares das alcaldías ou designadas polas distintas corporacións dos 14 concellos que a conforman para decidir a súa xestión e futuro o resultado evidenciou “ o desprezo do Partido popular por este modelo impedindo que sexa unha realidade”

O parlamentario lamenta a “instrumentalización partidaria” do actual Goberno do Partido popular que impide poñer en marcha a Área Metropolitana de Vigo como modelo para evitar duplicidades e mellorar a coordinación entre as distintas entidades.