Conceyu Abiertu por Llangréu lamenta la paralización de las obras del soterramiento

SOTERRAMIENTO LANGREO

Conceyu Abiertu por Llangréu llamenta la situación de les obres del soterramientu y pide seriedá a los responsables

Escrito por Adrian

Les ciudadanes y ciudadanos qu’integramos Conceyu Abiertu por Llangréu vemos con esmolición la situación de les obres de soterramientu de les víes de tren FEVE. Estos díes, la nueva conseyera de fomentu, Belén Fernández, espresó na presentación del so programa de gobiernu na Xunta Xeneral que les obres de soterramientu nun finarán enantes de 2014. Estes obres amás lleven paraes cerca d’un añu yá y tendríen que tar finaes yá esti añu presente 2012. Con un presupuestu de 55 millones d’euros, propios de los fondos mineros, estes obres alxundicáronse nel añu 2009 a la Unión Temporal d’Empreses (UTE) integrada por Contratas Iglesias y Comsa Empresa Constructora.

La situación nun ye nueva, y el centru urbanu del conceyu de Llangréu lleva yá llargos meses con unes obres paraes, dando una imaxe permala pa los nuesos pueblos y faciendo que les víes de comunicación internes del conceyu seyan anguañu carreteres improvisaes y de pior movilidá, creando en dalgunes ocasiones ciertos colapsos circulatorios. Tamién, aparte de la situación física, que salta a la vista, ye bien conocía la gran batalla política que dellos partíos de sobra conocíos tuvieron con estes obres.

Dende Conceyu Abiertu por Llangréu namái queremos espresar tres idees cencielles y bien clares:

1.      Llamentamos la situación xenerada nel centru urbanu de Llangréu pola mor de la inoperancia de los responsables políticos d’estes obres. Vemos con esmolición el nuevu plazu qu’anuncia la conseyera y con amás con muncha rocea. La esperiencia mos fai desconfiar de que les obres vayan tar acabaes en 2014. L’aspectu que dan estes obres paraes ye llamentable y puede ocasionar otra riestra de problemes a curtiu-mediu plazu.

2.      Criticamos la inoperancia ya irresponsabilidá polítiques que dende partíos con representatividá nel Principáu y nel conceyu ta dándose y bien dándose nesti sen. Estes obres crearon una situación d’enfrentamientu políticu y disputes partidistes a la gueta de votos ya imaxe social, cuando la situación afayaiza ye que la xestión fuere responsable, rápida y eficiente.

3.      La financiación a costa de fondos mineros d’esti proyeutu, que s’atopa nuna situación crítica, espeya perbien la situación que xeneró esta política de fondos mineros públicos. Una vegada más vemos como la xestión d’esi dineru, nesti casu, 55 millones d’euros, ye ineficiente, pocu granible y cuantu menos pocu tresparente. Otra vuelta, una partida presupuestaria entamada con esta financiación tórnase nun “culiebrón políticu” y fai que’l dineru seya destináu a estes obres, les cuales pocu valen como proyeutu de reactivación social y llaboral del conceyu y les cuenques, fin principal, en teoría, d’estos fondos.

Poro, namái podemos espresar la nuesa esmolición con esti retrasu del fin d’obra y pidir a los grupos políticos municipales, sobre manera al gobiernu llocal y al Gobiernu del Principáu d’Asturies coherencia, responsabilidá y eficacia na xestión y trabayu d’estes obres.

¿Y tú qué opinas de esto?

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión /  Cambiar )

Google photo

Estás comentando usando tu cuenta de Google. Cerrar sesión /  Cambiar )

Imagen de Twitter

Estás comentando usando tu cuenta de Twitter. Cerrar sesión /  Cambiar )

Foto de Facebook

Estás comentando usando tu cuenta de Facebook. Cerrar sesión /  Cambiar )

Conectando a %s