COMPOST EN CASA
SAN SADURNIÑO (A CORUÑA) BOTA O PECHE AO SEGUNDO PROGRAMA DE COMPOSTAXE CASEIRA
SAN SADURNIÑO (A CORUÑA) CONCLUYE EL SEGUNDO PROGRAMA DE COMPOSTAJE CASERO
- Cincuenta fogares continuarán autoxestionando o lixo no fogar
- Cincuenta hogares continuarán autogestionando la basura producida
No concello coruñés de San Sadurniño son máis de 80 fogares os que aproveitan en ao máximo os restos orgánicos, transformándoos logo no seu abono para horta e xardín. Con esta práctica son moitas as vantaxes que se acadan; por unha banda maior comodidade para o usuario porque ten o composteiro ao ladiño da casa (máis preto que o contedor do lixo verde), aumenta a súa concienciación e implicación na separación do residuos domésticos, comproban a capacidade de redución do lixo que sae das súas casas e aprenden a elaborar un produto útil, un abono de calidade e por fin unha boa colleita ou unha plantas vigorosas.
No mes de novembro recibiron por parte da educadora ambiental de ADEGA a terceira visita de seguimento dende o mes de maio, cando se realizou a primeira visita porta a porta. Neses seis meses case todos os composteiros tiveron tempo de procesar os restos orgánicos que lles foron servindo os participantes e grazas aos macro e microorganismos que viven nel ofrecer un compost ben maduro. Este abono orgánico libre de químicos e produtos indesexables será empregado para mellorar o solo, aportando nutrientes variados e unha mellor estrutura que reterá máis auga e evitará a erosión.
Nembargante as vantaxes non son só para os usuarios directos, todos os veciños e veciñas se benefician pois suporá unha rebaixa da factura do lixo do concello. Polo sinxelo feito de que menos quilogramos de lixo enviado a SOGAMA menos euros que se pagan. Máis tendo en conta que os restos de froita, verdura, osos, etc. é o que máis pesa no cubo do lixo porque está cargado de auga.
Transformar restos orgánicos da cociña; follas de leituga, casca de ovo, restos de froitas, mondas de laranxa, pousos de café, cinza da cheminea, cunchas de marisco, bolsiñas de té, cascas de pipas, restos de peixe e carne, etc. considerados lixo, en un recurso para o usuario é o que consigue o composteiro. Estímase que ao longo dos sete meses un composteiro de San Sadurniño recibiu como media uns 294 kg de restos orgánicos e aínda así non se conseguiu encher.
Deste xeito a produción de compost a nivel doméstico, ou comunitario, preséntase como a solución máis ecolóxica, razoable e económica para os residuos orgánicos, combinada no seu caso coa alimentación animal. Máis de 300.000 familias galegas de zonas rurais, semirurais e urbanas poden solucionar o problema dunha gran parte do lixo mediante a compostaxe caseira.
Astur Galicia Noticias 