A Policía Autonómica detén ao presunto autor dun incendio forestal en Ames
Xa son corenta e cinco as persoas detidas por este corpo no que vai de ano por delitos de incendios forestais

Santiago, 9 de xuño de 2011.- Funcionarios pertencentes á Xefatura de Santiago da Unidade do Corpo Nacional de Policía adscrita á Comunidade Autónoma de Galicia veñen de informar da detención dun veciño de Santiago de Compostela, coma presunto autor dun delito de incendio forestal.

O lume que se lle imputa, ocorreu o pasado 5 de xuño na parroquia de Biduido, concello de Ames e afectou a unha superficie de 9.600 metros cadrados de monte raso. O lume orixinouse coma consecuencia do lanzamento de foguetes pirotécnicos, e foi necesario a actuación do servizo de extinción de incendios da Xunta de Galicia.

Polos feitos foron instruídas dilixencias que se remitiron ao Xulgado en función de garda de Santiago de Compostela.

A Policía Autonómica xa leva detido a corenta e cinco persoas no que vai de ano por delitos relacionados cos incendios forestais