ROBERTO VARELA LAMENTA O PASAMENTO DE MARCOS VALCÁRCEL,»UN DOS MELLORES HISTORIADORES DAS ÚLTIMAS DÉCADAS»

 

 El conselleiro de Cultura lamenta el fallecimiento de Marcos Valcárcel, «uno de los mejores historiadores de las últimas décadas»

• O conselleiro de Cultura e Turismo asegurou que, ante a marcha do historiador ourensán, “a cultura galega, na que Marcos tiña unha gran fe, tamén está de loito”

 

Santiago, 7 de decembro de 2010.- O conselleiro de Cultura e Turismo, Roberto Varela trasladou, no nome do Goberno galego, o profundo pesar pola morte do historiador ourensán, Marcos Valcárcel. O especialista no estudo da Xeración Nós e profesor do instituto de A Carballeira levaba dous anos afectado por unha enfermidade dexenerativa que finou coa súa vida o domingo no seu domicilio de Ourense. 

 Roberto Varela expresou, no nome do Executivo galego, as condolencias á familia de Marcos Valcárcel “pola irreparable perda que sufriron”.  Así mesmo, o conselleiro de Cultura asegurou que, ante a marcha do historiador ourensán, “a cultura galega, na que Marcos tiña unha gran fe, tamén está de loito”.

 O responsable de Cultura destacou a figura de Marcos Valcárcel como “un dos mellores historiadores das últimas décadas, un home de grandes coñecementos e un digno herdeiro da Xeración Nós e dos intelectuais ourensáns aos que dedicou boa parte da súa obra”.

 En verbas de Roberto Varela “a mellor homenaxe que lle podemos facer a un historiador que sempre reivindicou o seu labor docente é non deixar nunca de estudar a infinita riqueza da cultura de Galicia e o legado dos grandes persoeiros da nosa terra, entre os que Marcos Valcárcel xa se atopa por dereito propio”.