CIG-SAÚDE COMPOSTELA.

19 feb. a las 12:08.

COMUNICADO FIN DE FOLGA 19-2-19-

O comité de folga de Urxencias , formado pola comisión de centro, vén de asinar no día de hoxe, a acta de desconvocatoria da folga do servizo, despois da reunión mantida coa Xerencia de Xestión ás 09:30 h.

A desconvocatoria, obedece ao sentir dos traballadores/as do servizo que así o manifestaron mediante votación en urna o pasado 15 de Febreiro, por 100 votos a favor da proposta da Xerencia e 48 en contra.

Foi dende o 12 de Novembro ata hoxe , estando na décimoquinta semana de folga ,un longo camiño o percorrido xunto os traballadores/as de Urxencias e demáis persoal da Sanidade, como quedou patente, non só nas mobilizacións que se fixeron tódolos Luns, diante da porta do servizo, senón tamén como o pasado 9 de Xaneiro, na manifestación que rematou na praza de Praterías e que contou cunha mobilización masiva por parte, non só dos traballadores/as , senón da sociedade en xeral.

Agradecer os traballadores/as, persoal dos distintos servizos, prensa, colectivos, asociacións e sociedade en xeral, que sempre estivo pendente deste conflicto, xa que entendeu dende un primeiro momento en que non se reclamaban cartos , senón un beneficio colectivo para a sociedade.

Comité de folga.