Boa noite a todas e a todos, hoxe 3 de setembro estaba previsto que pechara o Hospital Xeral, o “pirulí” para as persoas que xa temos algúns anos…

Toda unha xeración naceu neste hospital, estamos aquí  para renderlle homenaxe e para reclamar un Hospital público e sen recortes onde poida nacer dignamente a próxima xeración.

Pero a política sanitaria da actual Xunta de Galicia está a deteriorar e facer inviable economicamente o sistema sanitario público galego e, se non pomos remedio, a próxima xeración nacerá non hospital recortado, privatizado e con poucos recursos.

Co argumento de que a crise económica obrigaba a reducir gastos e a buscar apoio no sector privado, a Consellería de Sanidade tomou dúas importantes decisións que supoñen un punto de inflexión para o futuro da sanidade pública galega:

• Reducir o orzamento sanitario, especialmente os capítulos de investimento e do gasto corrente destinado a garantir o funcionamento…