Dende a CIG-SAÚDE asistimos con preocupación as noticias aparecidas este días na prensa onde se confirma que tanto o Concello de Vigo como a Xunta fan caso omiso das nosas demandas e seguen sen apostar polo transporte público, e sen ofrecer polo tanto alternativa real ao aparcadoiro privado do NHV e ao transporte privado.

Seguimos a esixir a posta en marcha dunha rede de transporte que atenda ás necesidades tanto dos pacientes como das traballadoras e traballadores, polo que as frecuencias deben ser inferiores aos 30 min. e os puntos de saída destas non pode ser só a praza de América, se non que deben incrementarse a máis puntos da cidade e coordinarse cos demais transportes públicos interurbanos. Así mesmo non dan resposta aos horarios do persoal sendo insuficiente a primeira saída ás 7:20 e rematando estes ás 16:00, e non ofrecendo servizo durante a fin de semana. Non aceptamos…