As folguistas de fame de Povisa pasan a primeira noite no interior do hospital vigués

As tres traballadoras/es de Povisa que este martes iniciron unha folga de fame para reclamar a readmisión dos 13 compañeiros/as despedidos/as pasaron a primeira noite no interior das instalacións do hospital vigués, que non teñen pensado abandonar até que a empresa dea marcha atrás ás rescisións de contrato.

A primeira hora da mañá de hoxe a dirección do centro médico interesouse polo seu estado de saúde e amosouse disposta a negociar. “Nós dixémoslle que tamén queremos dialogar e pedímoslle que retirasen os despidos para sentarnos a falar, ao que non responderon”, explica a presidenta do comité, María Xesús Neira, unha das participantes no xexún de protesta.

Os empregados/as do hospital privado seguen a reclamar a intervención do Sergas e da Consellería de Sanidade no conflito laboral e lembran que Povisa incumpre o concerto coa Xunta…