COMUNICADO

ACTIVIDADES PARA ESTA FIN DE SEMANA  DE ADEGA NA ZONA DO ALTO ULLA
– EIRA DA XOANA –

ADEGA informa que durante a vindeira fin de semana realizará e formará parte na implementación de actividades comprometidas tanto co medio ambiento como coa cultura galegas, contribuíndo con elo a manter tradicións por moitos esquecidas na zona do Alto Ulla.

As actividades son as seguintes:

SÁBADO 13 DE AGOSTO: SEGA EN ALBÁ (ALDEA DE ARQUEIXAL)

Na aldea arqueixal sementouse centeo do país no inverno. Agora son horas de apañar o froito e gozar dese momento de traballo comunitario, para o que se recomenda vir ataviados de chapeu de palla e pano na cabeza ( mulleres) e no pescozo ( homes), xunto con outras vestes propias do traballo.

PROGRAMA:

10.00 h => Encontro na Eira para irmos todos xuntos a Albá

10.30 h => Chegada á aldea Arqueixal

11.00 h => Comezo da sega

14.00 h => Remate da sega ( ás 12 meteremos un bocado, serviranse produtos ecolóxicos da aldea)

14.30 h => Traslado á Eira da Xoana, onde xantaremos de convivio coma sempre

16.00 h => Traballos comunitarios de acondicionamento na Eira, e visita ás Torrentes, onde quen queira podese bañar nas súas pozas

NOTAS:

Esta actividade é gratuíta e débese confirmar a asistencia.
Só lembrar que na aldea hai unha tenda con produtos ecolóxicos ao dispor de quen queira mercar.
Se alguén estiver interesado pode ficar a xantar na aldea (prezo 20 euros) e(ou) durmir nas súas casas de aluguer (chamar antes) Reservas : tel.- 982 380 251 ou queixoarqueixal@terra.es

 DOMINGO 14 DE AGOSTO: FESTA DA CABRA EN RAMIL

Este é o día onde, na freguesía de Ramil, se celebra a festa do ano. Hai festa rachada, con cabalos, xogos, orquestras, etc. Nós unímonos, como veciños que somos, e facemos a nosa aportación con música, xogos e imos tentar xunguir unha parella de vacas ao carro milenario do Camilo

PROGRAMA:

12.30 h => Encontro na Eira para recebir a xente que ven para a festa e convidala a que visite a nosa casa e, ao mesmo tempo, preparar as cousas necesarias para o xantar.

13.45 h => Concerto no campo da festa

13.45 h => Xantar na Eira cada persoa pode traer o seu. A maiores a organización porá un lacón asado e cafés para todos. Os musicos, como é lóxico, están convidados.

Continuaremos o noso convivio toda a tarde, até o serao. Á noitiña, como é costume tocarán as orquestras para dar o axeitado remate á festa.

NOTAS:

Esta actividade custa 10 euros (7 socios). Esta é unha aportación solidaria individual, coma un veciño/a máis, de toda aquela persoa que participe na festa con fin de contribuír a sufragar os gastos que ocasiona aos veciños/as de Ramil a celebración anual da Festa Tradicional da Cabra.

Confirmación da asistencia antes do xoves 11 os tfs. 659 683 384 (Pepe) ou 638 475 322 (Marcial) ou no mail eiradaxoanadega@gmail.com

Para máis información, contactar co Equipo da Eira da Xoana:

Marcial 638 47 53 22

Pepe Salvadores 659 68 33 84

ou no enderezo: eiradaxoanadega@gmail.com