Nota de prensa

INAUGURACIÓN DE LOS CURSOS DE LA UNIVERSIDÁ ASTURIANA DE BRANU (UABRA)

CANGAS DEL NARCEA, 1 D’AGOSTU

El próximu llunes 1 d’agostu, a les 13:00 hores, nel auditoriu de la Casa de Cultura «Palaciu d’Oumaña» de Cangas del Narcea, entamen los Cursos y Actividaes Abiertes de la Universidá Asturiana de Branu (UABRA): proyeutu lleváu a cabu gracies a la collaboración ente l’Academia de la Llingua Asturiana, la Universidá d’Uviéu y el Conceyu de Cangas del Narcea

Nel actu intervendrán el Conseyeru Cultura y Deportes del Principáu d’Asturies, Emilio Marcos Vallaure; el Vicerrector d’Estensión Universitaria, Cultura y Deportes, Vícente Domínguez García; la Presidenta de l’Academia, Ana Mª Cano González; la Conceyala de Cultura del Conceyu de Cangas del Narcea, Marta Fernández Álvarez y el Director de los Cursos, Xosé Antón González Riaño

Los Cursos y xeres complementaries desarrollaránse ente los díes 1 y 12 d’agostu y nellos van participar al rodiu de 150 persones.

Esti mesmu llunes pela mañana, dientro de les Actividaes Abiertes d’esta edición de la UABRA, tendrá llugar la inauguración de la esposición del humorista gráficu Neto «Na Punta (La Llingua)» na mesma Casa de Cultura de la villa canguesa.

Uviéu, 29 de xunetu de 2011

Más información:
http://www.academiadelallingua.com/comun.php?seccion=cursos

ACADEMIA DE LA LLINGUA ASTURIANA