A Fundación Galicia Obra Social (Afundación) trae a Vigo a produción teatral Enfrentados con Arturo Fernández e David Boceta no elenco e baixo a dirección do primeiro. A obra terá lugar no teatro do Centro Cultural da entidade, Policarpo Sanz, 13, mañá venres 5 de setembro ás 21.00 h; o sábado 6 ás 19.00  e ás 21.30 h; e o domingo 7 ás 19.00 h.

As entradas están á venda nas canles habituais de comercialización de espectáculos de Afundación, a web de Servinova, www.servinova.com, e a billeteira telefónica 902 504 500, desde as 8.00 ata as 22.00 h.