O acordo pretende facer fronte a prácticas que poñen en risco a sustentabilidade do sistema, supoñen un perigo para o mantemento dos servizos esenciais e xeran importantes desigualdades entre os traballadores

Prevé intensificar a colaboración entre ambas as administracións; coordinar dunha maneira máis eficaz as medidas autonómicas e estatais; e a posta en marcha de todos os mecanismos necesarios para detectar e castigar posibles prácticas fraudulentas

O grupo de traballo estará integrado, con carácter permanente, por representantes da Inspección de Traballo e Seguridade Social do Ministerio, adscritos á Comunidade, e por autoridades e persoal da Dirección Xeral de Traballo e Economía Social e do Servizo Público de Emprego de Galicia

O protocolo asinado hoxe reforza e complementa os obxectivos recollidos no Plan galego de loita contra a fraude de prestacións e contra o traballo non declarado.