Vén de presentarse en conferencia de prensa o I Certame de Canción de Autor en Galego ‘Concello de Teo’ “baseado nunha idea dun cantautor de prestixio vinculado a Teo” como é Xoán Curiel, tal e como afirmou a concelleira de Cultura Carme Hermida. A importancia do Certame como viveiro para as e os novos creadores, o feito de ter o galego como lingua de expresión e a necesidade de este tipo de espazos como resposta aos e ás músicos noveis e o agradecemento aos patrocinadores e colaboradores centraron a presentación.