EMERXENCIAS E INTERIOR ALERTA DUN FENÓMENO ADVERSO DE NIVEL LARANXA NA COSTA NOROESTE E OESTE DA PROVINCIA DE A CORUÑA

 

 

 La Xunta de Galicia alerta de un fenómeno adverso de nivel naranja en la costa noroeste y oeste de la provincia de A Coruña.  Se extenderá al sudoeste de la provincia, y a las provincias de Lugo y Pontevedra, a partir de las 00.00 horas del lunes 15 de noviembre. Se espera también mar de fondo del noroeste que puede alcanzar los 5 metros. Se recuerda a la población la importancia de cumplir las medidas de autoprotección, como evitar aproximarse a diques o rompientes, con el fin de prevenir un eventual golpe de mar.

 

• Estenderase ó suroeste da provincia, e ás provincias de Lugo e Pontevedra a partir das 00.00 horas de mañá 
• Espérase tamén mar de fondo do noroeste que poderá alcanzar os 5 metros 
• Recórdaselle á poboación a importancia de seguir as medidas de autoprotección como evitar aproximarse a diques ou rompentes co fin de previr un eventual golpe de mar

 

Santiago, 14 de novembro de 2010.- A Dirección Xeral de Emerxencias e Interior da Consellería de Presidencia, Administracións Públicas e Xustiza alerta dun episodio de meteoroloxía adversa por fenómenos costeiros de nivel laranxa que afectará ao noroeste e oeste da provincia da Coruña,  a partir de hoxe ás 20.00 horas.

 Espérase tamén mar de fondo do noroeste que poderá alcanzar os 5 metros e tenderá a diminuír a primeiras horas da tarde de mañá.

 Segundo as predicións da Axencia Estatal de Meteoroloxía (AEMET), a partir das 00:00 horas do día 15 de novembro, este episodio tamén afectará ao suroeste da provincia da Coruña, á provincia de Lugo e á provincia de Pontevedra.

 Así, co fin de garantir a seguridade dos bens e as persoas, a Dirección Xeral de Emerxencias e Interior, a través do Centro de Atención ás Emerxencias 112 Galicia,  informou da situación de meteoroloxía adversa a todos os concellos costeiros das tres provincias galegas, aos servizos provinciais de Protección Civil da Consellería de Presidencia, Administracións Públicas e Xustiza e aos clubs náuticos das tres provincias, entre outros.

 Doutra banda, recórdaselle á poboación a importancia de seguir as medidas de autoprotección como evitar aproximarse a diques ou rompentes co fin de previr un eventual golpe de mar que poida arrastrar persoas ou obxectos. Ademais, aconséllase consultar a páxina web do CAE 112 (www.112galicia.org), que conta con información meteorolóxica e con enlaces de interese.