Tres conocese’l postrer casu de represión llingüística, Lola Suárez fai un llamamientu a la normalización democrática n’Asturies.

Tres conocer  el postrer casu de represión llingüística, presonificáu nel actor asturianu Antón Caamaño que se vió obligáu a presentar en Vigo la so tesis n’asturianu por nun poder presentala nesa llingua na Universidá d’Uviéu, la responsable de la Estaya de Llingua d’Andecha, Lola Suárez, denunció una vegada más l’anormalidá predemocrática que se vive n’Asturies tamién nel tema llingüísticu, y desixó la fin de la represión llingüística, reivindicando la Oficialidá de la llingua asturiana comu pasu imprescindible pa cualisquier procesu de normalización democrática.

“Ye increyible qu’en plenu sieglu XXI seyan les propies istituciones asturianes les que protagonicen el sistema de represión llingüística que se vive n’Asturies”, nel mesmu sen destacó que nun hai selmana que nun apaeza nos medios de comunicación un nueu casu d’estes carauterístiques, lo que mos da una idega aprosimao de la magnitú del problema, cuandu na imensa mayoría de los casos, la represión ye tan sistemática que los que la carecen lleguen a consideralo normal.