Damos hoxe a benvida no noso blog a Isabel Fraga Vila, directora do Museo de Historia Natural, e que nos vai  presentar os seus obxectivos, coleccións e actividades e, como non, da biblioteca e os documentos dispoñibles no repositorio Minerva da USC.

Vista exterior do Museo de Historia Natural no Parque de Vista Alegre. Imaxe de Martin Vaz cedida pola institución

Mª ISABEL FRAGA VILA

O día 18 de outubro de 2014 tivo lugar o acto oficial de inauguración do Museo de Historia Natural  na súa nova sede , un edificio construído no Parque de Vista Alegre, polo Consorcio de Santiago e cedido a Universidade de Santiago de Compostela (USC), para uso exclusivo deste museo.

Previamente a inauguración houbo tres días de portas abertas con gran afluencia de persoas que, en xeral, manifestaron a súa alegría por poder cumprir o desexo, longamente esperado, de coñecer as novas salas expositivas…