LIMPIEZA RÍOS GALLEGOS

444 persoas retiran perto de 10 tn de residuos na VII Limpeza simultánea de ríos do Proxecto Ríos

 

Santiago de Compostela, 28 de setembro de 2014

 

Aínda que con ameaza de trebóns nalgunhas zonas de Galiza para esta fin de semana, fomos novamente moitas as persoas que nos mollamos polos ríos na VII Limpeza simultánea de ríos. Houbo grupos grandes e pequenos, de nenos e nenas e de maiores. Limpáronse grandes ríos e tamén pequenos regatos, pero todas e todos tiñamos o mesmo obxectivo: coidar os nosos ríos e concienciar á sociedade da necesidade de que estean ben conservados.

Recolléronse refugallos de todo tipo, e coma sempre abundaron os plásticos (botellas, garrafas, bolsas, sacos…). Apareceron tamén rodas de automóbiles, cristais e asentos, e os electrodomésticos tampouco faltaron, lavadoras, frigoríficos e televisións. Apareceu tamén algunha uralita, roupa, calzado… Algúns dos grupos se adicaron tamén a manter os sendeiros de pescadores.

Calculamos que os residuos de tódolos concellos suman perto de 10 toneladas, pero debemos lembrar que o noso principal obxectivo non era este. O voluntariado ambiental non é man de obra barata que poida suplir o traballo da administración, somos, por outra banda, unha masa de xente que axuda a concienciar á sociedade. O voluntariado denuncia que a situación dos nosos ríos debe mudar, e para iso facemos actividades como esta.

A VII Limpeza Simultánea “Móllate polos ríos” se celebrou este ano en 45 concellos de toda Galiza, e participarán un total de 57 entidades (asociacións, comunidades de montes, colectivos ecoloxistas, delegacións de ADEGA, etc.) e tamén 8 concellos que organizan directamente esta actividade en 46 treitos de río.

 Debido as condicións meteorolóxicas, algúns colectivos e concellos adiaron a actividade para o próximo domingo, polo que tamén agradecemos o esforzo que supón convocar dúas veces a mesma actividade.

Proxecto Ríos é un proxecto financiado por Augas de Galicia e a Consellería de Medio Ambiente, Territorio e Infraestruturas. Para esta actividade contamos coa colaboración de Confederación Hidrográfica Miño-Sil, asi como os concellos de A Estrada, Ames, Cambre, Carballo, Cariño, Cuntis,  Fene, Gondomar, Lugo, Muxía, Poio, Pontevedra, Rianxo, Salceda de Caselas, San Sadurniño, Santiago de Compostela e Teo.

Para levar a cabo a actuación reeditouse o protocolo de limpeza de ríos co fin de ofrecer unhas pautas sobre cómo se debe facer unha limpeza ecolóxica nos ecosistemas fluviais. Tamén se agasallou aos/ás voluntarios/as con unhas camisolas co lema da limpeza. Actualizouse a páxina web para a limpeza http://limpeza.proxectorios.org/  onde se especifica que é a limpeza, onde se celebraron, os contactos dos/das coordenadores/as, e as entidades participantes e financiadores.

Ao longo desta semana publicaremos na web do Proxecto Ríos: www.proxectorios.org e na web específica da limpeza: http://limpeza.proxectorios.org/ un informe coas conclusións finais desta actividade, así como as fotos da xornada da limpeza que aínda estamos a recibir dos grupos participantes.

Queremos agradecer a todas as voluntarias e voluntarios ambientais o seu compromiso cos nosos ríos, un ano máis a sociedade galega Mollouse Polos Ríos!!.

Ate o de agora (15:00h) estes foron os datos recollidos:

 

CONCELLO	Colectivo	Nº voluntarios/as	Río	Kg Lixo
A Estrada	Asoc. A Xesteira	12	Vea	700
	Asociación pola Defensa do Val do Liñares	10	Liñares	40
Ames	AAVV San Paio de Lens	ADIADA	Tambre
	Concello de Ames	Sen Datos	Sar	Sen Datos
Antas de Ulla	Quercus Sonora	4	Fadal	100
A Merca	Asociación Xuvenil Xoldreira	12	Arnoia	30
Allariz	CEA o Rexo	9	Arnoia	150
Arteixo	ADEGA CORUÑA	Sen Datos	Barcés	Sen Datos
Arzua	Asoc. Pescadores do Iso	8	Iso	540
Barro	A Barosa	6	Barosa	200
Betanzos	Fragas do Mandeo	21	Mendo	260
Cambre	Concello de Cambre	14	Mero	200
Cariño	Concello de Cariño	ADIADA
Carballo	Concello de Carballo	3	Rosende	70
Carnota	ADEGA Costa da Morte	Sen Datos		Sen Datos
Cesures	Luis Magariños	20	Ulla/Santa Baia	Sen Datos
Cospeito	Asoc. Revolta Natural	ADIADA
Compostela	Gentalha do Pichel / Semente	40	Sarela	100
	ADEGA-Compostela	12	Corgo	20
Cuntis	Asociación cultural o Fervedoiro	ADIADA	Gallo	20
Fene	AETNA		Baa	100
		17
	Asoc. Bétula	20		500
	Concello de Fene	6	Cádavo	200
Forcarei	C.M.V.M.C. SAN MIGUEL DE PRESQUEIRAS	Sen Datos	Castro	Sen Datos
	Verbo Xido	Sen Datos		Sen Datos
Gondomar	A Groba	7	Zamáns e Miñor	1000
	Pedraghullo & AAVV Vincios	15	Zamáns	150
Lugo	ADEGA Lugo	9	Miño	1000
Mañón	Asociación Nordés	ADIADA
Marín	Grupo Cultural Ronsel	Sen Datos		Sen Datos
Melide	Asoc. Pescadores Río Furelos	6	Furelos e Pambre	70
Mondariz	Clube Piragüismo do Tea/Asoc. Búrbida		Tea
Muxía	Concello de Muxía	17	Castro	40
Neda	ASOCIACIÓN NÉBOA MEDIO AMBIENTE	ADIADA
Negueira de Muñiz	27113 Comuna S. Coop Galega	Sen Datos	Navia	Sen Datos
Ourense	Aula da Natureza Río Miño	6	Miño e Regueira	200
Parada de Sil	A Fábrica da Luz	13	Mao	70
POIO	Plataforma Veciñal Samieira	21	Frieira	100
Ponteareas	Plataf. Pola defensa do Tea	12	Tea	300
Pontevedra	Vai polo río	29	Gafos	500
	Fundación Juan XXIII
	Asoc. Xuntos Sindrome de Down
Rianxo	Concello de Rianxo	13	Te	60
Rábade	AGCT	7	Miño	80
Ribadumia	Colectivo Ecoloxista do Salnés	7	Umia	50
Salceda de caselas	Asoc. Trezecatorze	28	Caselas/Landres	400
San Sadurniño	Concello San Sadurniño	Sen Datos	Bardaos	Sen Datos
Sarria	Asoc. Cultural Crearte	24	Sarria	500
Teo	Asociación Carballeira	15	Tinto	1000
Tomiño	Asociación Trankllada	ADIADA
Salvatera de Miño	Asoc. Lazoiro	6	Tea	250
Verín	Asoc. Centro Desarrollo Rural Portas Abertas	7	Támega	150
TOTAL		444	46	9.100