Mobilizacións en toda Galiza polo indulto de Ana, Tamara, Carlos e Serafín
Por volta das oito da tarde celebrábanse en toda Galiza mobilizacións simultáneas, quer manifestacións, quer concentracións, baixo o lema ‘Defender os dereitos da clase traballadora non é delito’, en rexeitamento á ofensiva represiva do PP e en demanda do indulto para Carlos, Serafín, Ana e Tamara.
O secretario xeral da CIG, Suso Seixo, que participou na manifestación celebrada en Vigo, denunciou as “condenas abusivas” que lles foron impostas. Penas que considerou que “no se corresponden cos feitos acontecidos” e que entende que responden a unhas “directrices claras” do PP e do goberno ao que este sustenta, “dirixidas á fiscalía e aos xuíces que lle son afíns ideoloxicamente”, co obxectivo de que endurezan as condenas contra traballadores/as por participar nos piquetes informativos.
Con esta mesma vaga represiva vinculou a política do goberno de sancionar con multas importantes a traballadores/as…