http://www.adega.info

Comprobamos o resultado do composteiro comunitario

O próximo martes 27 de Decembro comprobaremos o resultado do composteiro comunitario.

¿Teremos xa o compost? ¿Como o imos a utilizar? ¿Ónde o podemos botar? Mañá ás 12 da mañá no parque da Volta do Castro daremos resposta a todas estas preguntas.

Este proxecto comezou no mes de Abril e a día de hoxe o  composteiro comunitario está asumindo os restos orgánicos do comedor do ASPANEPS y  de varias vivendas da zona, ademais dos restos vexetais do  parque da Volta do Castro e do cemiterio. Restos orgánicos que esquivan as fauces da incineración en SOGAMA e convértense en compost que será utilizado no mesmo lugar onde se xera, devolvendo nutrintes ao solo.

Os verdadeiros protagonistas deste proxecto son os voluntarios e voluntarias  que se encargan de manter o composteiro  en condicións axeitadas. O alumnado e educadores do ASPANEPS fan unha laboura excepcional mesturando os diferentes residuos, remexendo e engadindo auga cando é preciso.  Eles son os mestres composteiros.

Este martes procederemos a abrir o composteiro, peneirar o compost e repartilo entre os veciños. Tamén participará unha educadora ambiental da asociación ecoloxista ADEGA que se encargará de resolver dúbidas sobre os usos do compost.