AS FEDERACIÓNS DE CONFRARIAS DE PESCADORES TACHAN DE IRRESPONSABLES AS CRITICAS DE ASOAR-ARMEGA AO SEGURO DE RESPOSABILIDADE CIVIL IMPULSADO POLO SECTOR.-

 Las federaciones de cofradías de pescadores tachan de «irresponsables» e «ignorantes» las críticas de Asoar-Armega al seguro de responsabilidad civil impulsado por el sector

COMUNICADO DE PRENSA DE POLAR SEGUROS

Non se pode máis que definir de “irresponsables” e “ignorantes” a aqueles que se postulan en contra dunha iniciativa que permitirá a implantación dun seguro marítimo galego, impulsado polas entidades máis representativas do sector da pesca de baixura e do marisqueo da nosa Comunidade Autónoma e que dará cobertura a máis de 25.000 traballadores do mar.

Na Lei 11/2008, do 3 de decembro, de pesca de Galicia, aprobada polo goberno bipartito, establécese que as persoas físicas ou xurídicas que realicen actividades de pesca profesional, marisqueo ou acuicultura terán a obriga de constituir un seguro que garanta a cobertura de posibles danos a terceiros. A Consellería competente en materia de pesca, marisqueo e acuicultura somentes ten como obriga  promover a cultura do seguro no sector, fomentando iniciativas que potencien ou introduzan a subscrición de seguros de produción ou de calquera outra natureza dirixidos á cobertura de continxencias extraordinarias no exercicio da actividade pesqueira, marisqueira e acuicola.

 Ata o 30 de setembro de 2010, en Galicia unicamente existía un seguro colectivo de accidentes no mar para os profesionais que traballan no sector pesqueiro fronte a accidentes que puideran sufrir no desenvolvemento da súa actividade, mais cunha cobertura mínima e que en ningún caso cubría aos armadores das embarcacións e que, polo tanto, non responde nin dá solución ás obrigas esixidas na Lei de Pesca de Galicia.

Polar Seguros Marítimos, nace por iniciativa do sector e en absoluto por imposición da Consellería do Mar como se trata de falsear ante a opinión pública por parte dalgunha Asociación que conta cunha mínima representación no sector e supostamente atendendo a intereses políticos. Dende as Federacións  podemos dicir e con voz alta e clara, que Polar Seguros xurde por proposta do sector, xa que foron as Federacións Galega e Provinciais de Confrarías, que representan ao 99% da flota pesqueira de baixura de Galicia, a Cooperativa de Armadores de Vigo (ARVI) e Remolcanosa as que impulsaron o proxecto.

 Polar Seguros está aberto á participación de calquera Entidade asociativa do sector, e trátase dun instrumento que cubre as necesidades dos profesionais do mar para cumprir coa lexislación vixente na materia, dando cobertura ás embarcacións de baixura e altura, aos seus tripulantes, aos danos por contaminación e calquera dano a terceiros, sendo aspectos que ata o momento non estaban cubertos polo seguro colectivo de accidentes no mar.