O delegado territorial da Xunta e presidente do Consorcio Casco Vello de Vigo (CCVV), Ignacio López-Chaves, informou hoxe en rolda de prensa da adxudicación dunha nova obra en Subida ao Castelo, 12 que dará lugar a 4 vivendas máis

• Tendo en conta os problemas de aparcamento que teñen os veciños e comerciantes e que o aparcadoiro de Porta do Sol leva pechado dende o mes de setembro, expuxo a posibilidade da cesión ao Consorcio “en condicións de explotación”
• Incluso considerou que poderían ofrecerse “prezos de entre 60-70 euros a praza de aparcamento” para residentes da zona do Casco Vello
• Opta por esta iniciativa tras non recibir resposta ao acordo do CCVV trasladado ao alcalde Abel Caballero o pasado 4 de febreiro para que “buscase fórmulas” que garantisen aos veciños a posibilidade de ter unha praza en condicións.