Controlado el incendio forestal registrado en el municipio orensano de Oímbra, que afectó a 60 hectáreas.

CONTROLADO O INCENDIO FORESTAL REXISTRADO NO MUNICIPIO OURENSÁN DE OÍMBRA

• Segundo unhas primeiras estimacións provisionais, a superficie afectada está en torno ás 60 hectáreas
  Permanecen controlados os lumes de Ourense, Pereiro de Aguiar e Ribadavia
  Nestes momentos segue activo o lume de Carballeda de Valdeorras, que supera as 50 hectáreas

Santiago, 13 de agosto de 2011.- A Consellería do Medio Rural informa de que está controlado o lume de Oímbra, na parroquia de Videferre.

O lume, que se iniciou ás 14:50 horas desta tarde, quedou controlado ás 20:50 horas. Segundo unha primeira valoración provisional, a superficie afectada está en torno ás 60 hectáreas de raso.

No lugar traballaron 2 axentes forestais, 10 brigadas, 2 motobombas, 4 avións e 6 helicópteros.

Outros

Polo de agora, permanece activo o lume de Carballeda de Valdeorras, en Sobradelo, e están controlados os incendios de Ourense, parroquia de Vilar de Astrés; Pereiro de Aguiar, en Sabadelle; e Ribadavia, na parroquia homónima.

MEDIO RURAL DECLARA COMO MEDIDA PREVENTIVA ‘NIVEL 1’ NO INCENDIO FORESTAL DE CARBALLEDA DE VALDEORRAS

Medio Rural declara de Nivel 1 el incendio forestal de Carballeda de Valdeorras, como medida preventiva

• Segundo unhas primeiras estimacións provisionais, a superficie afectada supera as 50 hectáreas
•  Permanecen controlados os lumes de Ourense, Pereiro de Aguiar e Ribadavia; mentres que o incendio de Oímbra está activo

Santiago, 13 de agosto de 2011.- A Consellería do Medio Rural informa de que acaba de declarar ‘lume de nivel 1’ o incendio que hai arestora activo no termo municipal de Carballeda de Valdeorras, como medida preventiva.

Á hora de coordinar os medios humanos e persoais, e seguindo o Pladiga, a Consellería do Medio Rural acaba de declarar como medida preventiva “Lume de Nivel 1”, que é un concepto referido a aqueles incendios que, podendo ser controlados cos medios de extinción previstos no Plan da Comunidade Autónoma, se prevé, pola súa posible evolución, a necesidade da posta en práctica de medidas para a protección das persoas non relacionadas coa extinción e dos bens distintos dos de natureza forestal que se poidan ver ameazados polo lume.

O lume de Carballeda de Valdeorras, na parroquia de Sobradelo, iniciouse ás 16:00 horas e tamén está activo nestes momentos. Segundo as primeiras estimacións, a superficie afectada supera as 50 hectáreas.

Os medios que están traballando neste incendio son 1 técnico, 2 axentes forestais, 9 brigadas, 4 motobombas, 2 palas, 6 helicópteros e 7 avións.

Activos dos incendios forestales registrados en los municipios  ourensanos de Oímbra y Carballeda de Valdeorras