El pase de diapositivas requiere JavaScript.

ROBERTO VARELA SITÚA A GALICIA COMO “CENTRO TERMAL DA PENÍNSULA IBÉRICA” NA CLAUSURA EN OURENSE DE TERMATALIA 2010

 El conselleiro de Cultura y Turismo calificó a Galicia de “centro termal de la Península Ibérica” en la clausura de Termatalia 2010

• O conselleiro de Cultura e Turismo salientou o apoio da Xunta de Galicia polo termalismo como oferta turística de calidade e apostou pola mellora permanente do sector a través da formación, a investigación e a innovación.
• Segundo Roberto Varela, a celebración da X edición de Termatalia consolidou á feira internacional “como referente europeo do termalismo” e permitiu achegar “os recursos, avances e capacidades dos balnearios de Galicia a profesionais e expertos de varias decenas de países de todo o mundo”.

Ourense, 18 de outubro de 2010.- O conselleiro de Cultura e Turismo, Roberto Varela, asegurou onte na clausura da X edición da Feira Internacional de Turismo Termal Termatalia que “vivimos un magnífico momento para o turismo termal, un subsector no que Galicia, en xeral, e Ourense, en particular, xogan un papel moi destacado”.  

Neste sentido, afirmou que Galicia “é hoxe por dereito o centro termal da Península Ibérica e, en consecuencia, a provincia de Ourense pode ser considerada a capital das augas medicinais”. O acto de clausura contou, entre outras autoridades, coa presenza da secretaria xeral para o Turismo, Carmen Pardo, e da directora xeral de Comercio, Nava Castro.

 Segundo Roberto Varela, o turismo de saúde e a cultura da auga estanse a configurar nos últimos anos “como un valor emerxente dentro da amplia variedade das nosas propostas”. “O termalismo constitúe unha axuda inestimable para completar as posibilidades turísticas de Galicia”, apuntou. Nesta liña, o conselleiro Roberto Varela destacou que o termalismo “supón unha oferta turística de calidade pola que se está a apostar con moita convicción e firmeza en Galicia e que, por suposto, desde a Consellería de Cultura e Turismo apoiamos por completo”. Do mesmo xeito, sinalou que “a través da formación, da investigación e da innovación pódese conseguir unha permante mellora neste subsector”.

Na súa análise do sector, o conselleiro lembrou que a auga “é unha das nosas grandes riquezas e a materia prima por excelencia da nosa terra” e, na actualidade, “os valores medicionais das augas termais galegas están demostrados cientificamente”. Neste sentido, afirmou o conselleiro, a cultura da auga en Galicia “atravesa un dos seus momentos álxidos” gracias a unha “brillante oferta de balnearios que consegue extraer o máximo proveito desa excelente calidade das nosas aguas”.

 Referencia internacional

En palabras do conselleiro, a X edición de Termatalia serviu para consolidar a súa relevancia internacional como “referente europeo do termalismo”. “Unha feira internacional destas características permite achegar os recursos, avances e capacidades dos balnearios de Galicia a profesionais e expertos de varias decenas de países de todo o mundo”, destacou. Para Roberto Varela, “grazas a iniciativas como ésta, o noso turismo segue a megullarse nun proceso de constante aprendizaxe e coñecemento que axudará a fortalecer o lugar destacado que xa ocupa na actualidade”.

TAMÉN XESÚS VÁZQUEZ ABAD VISITA O STAND DA CONSELLERÍA DE EDUCACIÓN NA10º EDICIÓN DE TERMATALIA, CELEBRADA EN EXPOURENSE

 Por su parte Xesús Vázquez visitó el estand de la Consellería de Educación en esta décima edición de la feria Termatalia. La iniciativa se englobó en Expourense.

El alumnado de Hostelería del IES de Villamarín impartió en esta Feria del Turismo Termal la conferencia ‘El agua en la coctelería del siglo veintiuno’. También está presente el IES 12 de octubre, de Ourense, con una muestra de módulo de FP en Estética Hidrotermal

• O alumnado de Hostalaría do IES de Vilamarín impartiu nesta Feira do Turismo Termal a conferencia “A auga na coctelaría do século XXI”
• Ademais, o IES 12 de outubro, de Ourense, está presente cunha mostra do módulo de FP en Estética Hidrotermal
• Este ano a Consellería de Educación volve a demostrar a súa aposta por estudos  de Formación Profesional relativos ao tema da feira co desenvolvemento de accións como Cociña ou a Coctelería da Auga

Ourense, 17 de outubro de 2010.- O conselleiro de Educación e Ordenación Universitaria, Xesús Vázquez Abad, asistiu está tarde a o stand da Consellería na décima edición da Feira Internacional de Turismo Termal, Termalismo, Talasoterapia e Spa, Termatalia que se está a celebrar en Expourense.

Coa súa presenza o conselleiro volve a demostrar a aposta pola Formación Profesional e o desenvolvemento de ciclos relativos a feira, que se celebra desde o pasado venres 15 ata hoxe. Unha nova convocatoria na que a Consellería de Educación estivo a participar a través de diversas actividades, coma o Encontro Internacional sobre Auga e Termalismo que conta con homologación docente, prácticas en visitas guiadas de grupo, exhibicións, etc.

Máis demanda de FP

Ao longo do percorrido polo stand o conselleiro recordou que a actual administración está a realizar unha importante aposta pola Formación Profesional e sinalou que “neste momento, as ensinanzas de formación profesional están incrementando a súa demanda por parte da xuventude galega, como se desprende dos datos de matrícula deste curso escolar”.

Asemade, Vázquez Abad, membro do Comité de Honra da Feira Internacional,  destacou a importancia desta feira xa que “nestes últimos anos estase producindo un rexurdimento do turismo termal, froito do traballo constante e serio, dos empresarios deste sector”; un feito que, engadiu “está convertendo a Galicia nunha referencia de prestixio cando se fala de turismo de saúde”.

Así, o conselleiro explicou que a necesidade de profesionais cualificados que ofrezan un servizo de calidade nos balnearios. “Na formación profesional está a resposta para ofrecer ese servizo de calidade que demandan os usuarios deste turismo termal”, engadiu, especialmente nas familias profesionais de imaxe persoal, hostalaría e turismo, animación de actividades físicas e deportivas e instalación e mantemento.

Neste sentido, Vázquez Abad destacou a importancia da presenza da Consellería de Educación neste tipo de eventos.  Ademais, engadiu que “non hai que esquecer que neste sector existen moitas posibilidades para emprender innovando, posibilitando como saída profesional o Emprendemento entre os titulados de formación profesional, un aspecto fundamental para a renovación e a innovación nos sectores produtivos en Galicia”.

Postos informativos

A Consellería de Educación instalou este ano en Termatalia un stand no que as persoas asistentes a este evento poderán obter información sobre a oferta xeral de ciclos formativos das distintas familias profesionais que se poden cursar no sistema de FP en Galicia, así como da oferta de ensinanzas artísticas. Ademais, os visitantes teñen á súa disposición información sobre os Centros Residenciais Docentes, nomeadamente o de Ourense, no que se ofrece aloxamento e diversas actividades formativas extraescolares a alumnado de FP e Bacharelato que cursan estudos nos institutos da cidade das Burgas.

Doutra banda, no stand danse a coñecer as diferentes iniciativas que a Consellería está a desenvolver a prol do emprendemento no sistema educativo, a través, por exemplo dos viveiros de empresas nos centros de formación profesional.

Actividades da Consellería

Ademais do punto de información, nesta edición de Termatalia tiveron un especial protagonismo as alumnas e alumnos dos IES de Vilamarín e do 12 de Outubro de Ourense, ambos os dous con actividades ligadas ao termalismo. No caso do primeiro destes institutos, o profesorado e alumnado de Hostalaría foron os responsables de impartir a conferencia “A auga na coctelaría do século XXI”, que inclúe elaboración e degustación de cócteles. Ademais, o profesorado deste ciclo participounos xurados das distintas catas que se realizaron na feira.

Respecto dos estudantes do ciclo formativo de grao superior Estética do IES 12 de Outubro de Ourense, estes estiveron presentes no stand da Consellería presentando o módulo de estética hidrotermal, que se imparte no devandito ciclo.

A mostra

Cómpre recordar que Termatalia é unha das catro feiras internacionais de turismo de España, e a única especializada neste sector. Deste xeito, ata hoxe en Expourense fomentouse o intercambio de experiencias tanto desde o ámbito empresarial como do institucional e social, ao mesmo tempo que se dá unha perspectiva global de termalismo a nivel internacional.

En total na feira estiveron presentes 240 expositores procedentes de 30 países procedentes de todo o mundo. Nestes espazos realizáronse actividades de promoción turística, déronse a coñecer diversos balnearios, actividades de talasoterapia e spa. Asemade noutros stands puidéronse comprobar as novidades en equipamentos, servizos, cosmética, formación, augas envasadas e prensa especializada. Ao longo destes tres días o recinto feiral de Ourense foi percorrido por máis de  3.000 profesionais e outros 15.000 visitantes.

Durante a súa visita o conselleiro estivo acompañado polo delegado da Xunta en Ourense, Rogelio Martínez; e a xefa territorial de Educación, Marisol Díaz Mouteira.