CAMISETAS A ELEGIRA conselleira do Mar, acompañada dos conselleiros de Sanidade e Educación, asistiu esta mañá aos obradoiros ofrecidos aos alumnos do CPI Fonte Díaz de Touro
A XUNTA IMPULSA O CONSUMO DAS CONSERVAS DE PRODUTOS DO MAR ENTRE OS NENOS E NENAS DOS COLEXIOS PÚBLICOS
La Xunta impulsa el consumo de las conservas de productos del mar entre los alumnos de los colegios públicos, a través de la campaña ‘Ponle las pilas a tu bocata’ que se desarrollará a lo largo del presente curso escolar. Este trimestre, más de un millar de niñas y niños de los colegios públicos de toda Galicia consumirán y conocerán el valor de las conservas
- Farao a través da campaña ‘Ponlle as pilas ao teu bocata’ que se desenvolverá ao longo do curso escolar 2010 – 2011
- Neste trimestre, máis de 1.000 nenos e nenas de colexios públicos de toda Galicia consumirán e coñecerán o valor das conservas
Santiago, 16 de novembro de 2010.- A conselleira do Mar, Rosa Quintana, acompañada do conselleiro de Educación, Xesús Vázquez, e da conselleira de Sanidade, Pilar Farjas, participaron esta mañá nos obradoiros da campaña Ponlle as pilas ao teu bocata, que se desenvolveu no CPI Fonte Díaz de Touro. Esta iniciativa está ideada pola Consellería do Mar en colaboración coas consellerías de Educación e Sanidade e de Anfaco e grazas a ela, neste trimestre, máis de 1.000 nenos e nenas de colexios públicos de toda Galicia consumirán e coñecerán o valor das conservas.
Rosa Quintana, Xesús Vázquez e Pilar Farjas acompañaron aos alumnos de entre 8 e 11 anos nos obradoiros. As actividades que inclúe a campaña “Ponlle as pilas ao teu bocata” e que se desenvolveron neste colexio de Touro, consisten na realización de bocadillos a base de conservas de sardiña, mexillón e atún combinados con outros ingredientes como leituga e pemento e tamén unha explicación de contidos relativos aos valores nutritivos das conservas de produtos do mar. Deste xeito, o que pretende a Consellería do Mar con esta campaña é achegar o mundo das conservas e os seus valores nutritivos aos nenos e nenas dunha forma amena e sinxela.
Esta iniciativa, que xa se levou a cabo en 16 centros públicos de Galicia, contempla uns agasallos para cada alumno que consisten nunhas chapas, un pack de conservas e un minirrecetario con propostas para a elaboración de bocadillos a base de conservas.
Ponlle as pilas ao teu bocata
A iniciativa da Xunta pretende fomentar o consumo de conservas de peixe e marisco entre o alumnado de educación primaria. Deste xeito, os rapaces tamén se irán familiarizando co mundo da conserva de peixe e marisco para aumentar o interese por este produto e aumentar os seus coñecementos sobre as distintas especies de peixe e molusco e as súas características nutricionais. Do mesmo xeito, a Xunta pretende transmitirlle aos escolares como manipular os alimentos do mar en conserva como base de pratos sinxelos.
Ademais, editouse unha unidade didáctica co fin de fomentar entre os máis pequenos unha alimentación sa e equilibrada, baseada nos produtos do mar. Esta unidade irá dirixida aos alumnos que previamente participaron nos obradoiros. O orzamento da Consellería do Mar para o desenvolvemento desta campaña de promoción é de máis de 75.000 euros.
